काठमाडौं । नेकपा एमालेका उपाध्यक्ष विष्णु पौडलले एमालेसँग एक्लै प्रतिस्पर्धा गर्ने हैसियत नेपालका कुनै राजनीतिक दलसँग नरहेको टिप्पणी गरेका छन् । गत स्थानीय चुनावजस्तै आगामी चुनावहरु पनि एमाले भर्सेस गठवन्धन हुने उनले बताए ।
आज पार्टीको ललितपुरस्तरीय कार्यकर्ता भेला तथा प्रशिक्षणमा बोल्दै पौडेलले स्थानीय चुनाव कांग्रेसले जितेको भन्न नमिल्ने उल्लेख गरे ।
उनले भने, ‘स्थानीय तहको निर्वाचन कांग्रेसले जित्यो भन्ने सुन्छौं । माओवादीले जित्यो, जसपाले जित्यो आदि चर्चा गरेको पाउँछौं । तर सच्चाइ पृथक छ । यसको फरक ब्याख्या हुनुपर्छ । स्थानीय चुनावमा कांग्रेसले जितेको पनि होइन हारेको पनि होइन । कांग्रेसले खासमा चुनावै लडेन । माओवादी, जसपाहरुले पनि लडेनन् ।’
पौडेलले दुईवटा पार्टी र दुई प्रवृत्तिका विचमा चुनाव भएको बताए । स्थानीय चुनाव लडेको एक मात्र पार्टी नेकपा एमाले भएको उनको भनाइ थियो ।
प्रकाशित मिति: १९ श्रावण २०७९, बिहिबार
प्रतिक्रिया