काठमाडौं । ऊर्जा, जलस्रोत तथा सिँचाइ, भौतिक पूर्वाधार तथा यातायात तथा सहरी विकासमन्त्री कुलमान घिसिङ जेनजी आन्दोलनका क्रममा ज्यान गुमाएका परिवारलाई भेट्न पुगेका छन्।
मन्त्री घिसिङ सोमबार मृतक विनोद महर्जनको घरमा पुगेर परिवारसँग भेट गरेका हुन्। उनले महर्जनप्रति श्रद्धाञ्जली अर्पण गर्दै शोकसन्तप्त परिवारप्रति समवेदना प्रकट गरेका थिए।
जेनजी आन्दोलनका क्रममा आन्दोलनकारी, सर्वसाधारण र सुरक्षाकर्मी गरी ७० भन्दा बढीको मृत्यु भएको छ। सरकारले उनीहरूलाई शहीद घोषणा गर्ने निर्णय गरिसकेको छ।
प्रकाशित मिति: १ आश्विन २०८२, बुधबार
प्रतिक्रिया