काठमाडौं । राष्ट्रपति रामचन्द्र पौडेलले आगामी निर्वाचनलगायत राजनीतिक विषयमा आज प्रमुख दलका नेतासँग छलफल गर्ने भएका छन् ।
राष्ट्रपति कार्यालयका अनुसार, छलफलमा प्रधानमन्त्री सुशीला कार्कीसहित विघटित प्रतिनिधि सभामा प्रतिनिधित्व गर्ने राजनीतिक दलका शीर्ष नेताहरू सहभागी हुनेछन् । दलका अध्यक्षपछिका वरिष्ठ नेताहरू पनि छलफलमा उपस्थित रहने जनाइएको छ ।
यो संवाद जेनजी आन्दोलन (भदौ २३ र २४) पछि पहिलो पटक राष्ट्रपति र राजनीतिक दलका नेताबीच हुन लागेको भेट हो । सो आन्दोलनपछि नयाँ सरकार गठन र प्रतिनिधि सभा विघटनसँगै आगामी फागुन २१ गते निर्वाचन मिति घोषणा भएको थियो ।
राष्ट्रपति पौडेलले निर्वाचनको तयारी, राजनीतिक स्थिरता र राष्ट्रिय सहमतिको आवश्यकता जस्ता विषयमा दलहरूको धारणा सुन्ने र साझा बुझाइ बनाउने उद्देश्यले आजको छलफल बोलाएको बताइएको छ ।
प्रकाशित मिति: २४ आश्विन २०८२, शुक्रबार
प्रतिक्रिया