काठमाडौं । पूर्वशिक्षामन्त्री विद्या भट्टराईले वर्तमान शिक्षा, विज्ञान तथा प्रविधिमन्त्री महावीर पुनलाई ३० बुँदे सुझावसमेतको विवरण प्रदान गरेकी छन् ।
भट्टराईले आफ्नो सामाजिक सञ्जाल फेसबुकमार्फत शुक्रबार मन्त्री पुनलाई पठाएको सुझाव सार्वजनिक गरेकी हुन्। यस सुझावमा उनले आफ्नो कार्यकालमा सुरु गरेका योजना, सञ्चालनमा ल्याएका कार्यक्रम र जारी निर्देशनहरू समेटेकी छन्।
पूर्वमन्त्री भट्टराईका अनुसार, मन्त्री पुनले फोनमार्फत आफूले सुरु गरेका योजनाबारे जानकारी मागेका थिए।
उनी लेख्छिन्, ‘माननीय मन्त्री महावीर पुनले फोनमार्फत मेरो कार्यकालमा सुरु भएका योजना, काम र निर्देशनबारे सुझावसहित जानकारी पठाउन भन्नुभयो। त्यस अनुरूप मैले अध्ययन, सुझाव र तयार भएका कार्ययोजना उनको जानकारीका लागि पठाएको छु, जसलाई तुरुन्तै लागू र अद्यावधिक गर्न सकिने विश्वास छ।’
यससँगै भट्टराईले आफ्नो अनुभव र पूर्वनिर्देशहरूलाई आगामी कार्यनीतिमा उपयोगी बनाउने उद्देश्य राखेकी छिन्।
प्रकाशित मिति: २४ आश्विन २०८२, शुक्रबार
प्रतिक्रिया