काठमाडाैं । जेनजी अभियन्ता मिराज ढुंगानाले प्रत्यक्ष कार्यकारी निर्वाचित कार्यकारीको मुद्दा आफ्नो पार्टीको मुख्य अडान हुने स्पष्ट पारेका छन्।
एभरेस्ट होटलमा आयोजित दल घोषणा कार्यक्रममा बोल्दै उनले यस्तो बताए। सो अवसरमा उनले राजनीतिक दल खोल्नुको उद्देश्य निर्वाचनमा जानु मात्र नभएको दाबी गरे।
प्रत्यक्ष निर्वाचित कार्यकारीसँगै विदेशमा रहेका नेपालीले मतदान गर्न पाउने माग पूरा नभई आफ्नो दल निर्वाचनमा नजाने उनले स्पष्ट पारे। उनले जेनजी पुस्तालाई छरिएर परिवर्तन सम्भव नभएको भन्दै आफ्नो नयाँ दलमा लामबद्ध हुन आह्वान गरेका छन्।
प्रकाशित मिति: १ कार्तिक २०८२, शनिबार
प्रतिक्रिया