काठमाडौं । धनुषाको मिथिला बिहारी नगरपालिका–९ का वडाध्यक्ष बिन्देश्वर यादवको शुक्रबार गोली प्रहारबाट हत्या भएको छ। गाउँमा भोजभतेरसम्बन्धी विवाद मिलाउन पुगेका यादवमाथि स्थानीय शम्भु यादवले छातीमा गोली हानेका थिए। शम्भु नेपाल प्रहरीमा कार्यरत रहेको बताइएको छ। घटनापछि प्रहरी पक्राउ गरिएको छ।
गोली प्रहारमा वडाध्यक्षका दाजु रामवरण यादव र राजकिशोर यादव पनि घाइते भएका छन्। उनीहरूको उपचार भइरहेको छ। वडाध्यक्ष यादव पूर्व–स्वतन्त्र निर्वाचित प्रतिनिधि हुन्, पछि उनले नेकपा एमालेमा प्रवेश गरेका थिए। शव प्रादेशिक अस्पताल जनकपुरमा राखिएको छ।
प्रकाशित मिति: २८ कार्तिक २०८२, शुक्रबार
प्रतिक्रिया