काठमाडौ । नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ले मधेश प्रदेशमा बनेको नयाँ सत्ता समीकरणको प्रभाव अन्य प्रदेशमा पनि देखिने दाबी गरेका छन् । शनिबार जनकपुरधाममा सम्पन्न एकता सभालाई सम्बोधन गर्दै उनले यस्तो बताएका हुन् ।
उनले मधेसमा काँग्रेस, नेपाली कम्युनिस्ट पार्टी तथा मधेस केन्द्रित दलहरूबीच नयाँ समीकरण बनेको र अब यस्तै समीकरणको सुरुआत अन्य प्रदेशहरूमा पनि बन्ने विश्वास व्यक्त गरे ।
कम्युनिस्टहरूबीचको एकता प्रक्रियालाई जारी राख्ने बताउँदै उनले एमालेमा आबद्ध नेताहरूलाई समेत एकतामा सामेल हुन आह्वान गरे । उनले भने, ‘यो एकता प्रक्रिया नेकपा माले, मसाल हुँदादेखिको योजना रहेको र अहिले पनि एमाले पार्टीमा रहेका देशभक्त कम्युनिस्टहरूलाई नेकपामा सामेल हुन आह्वान गर्न चाहन्छु ।’
प्रकाशित मिति: २० मंसिर २०८२, शनिबार
प्रतिक्रिया