सुनसरी । सुनसरी निर्वाचन क्षेत्र नम्बर १ बाट श्रम संस्कृति पार्टीका अध्यक्ष हर्क साम्पाङ प्रतिनिधि सभा सदस्यमा निर्वाचित भएका छन्। धरान उपमहानगरपालिकाको मेयर पदबाट राजीनामा दिएर संघीय संसदको चुनावी मैदानमा उत्रिएका साम्पाङले ३५ हजार ७४१ मत प्राप्त गर्दै विजयी भएका हुन्।
उनले निकटतम प्रतिस्पर्धी राष्ट्रिय स्वतन्त्र पार्टीकी उम्मेदवार गोमा तामाङलाई ८ हजार ४९२ मतान्तरले पछि पार्दै जित हासिल गरे। तामाङले २७ हजार २४९ मत प्राप्त गरेकी छन्। यस निर्वाचन क्षेत्रमा साम्पाङसहित २८ जना उम्मेदवार प्रतिस्पर्धामा उत्रिएका थिए।
यसअघि २०७९ सालको प्रतिनिधि सभा निर्वाचनमा पनि गोमा तामाङले प्रतिस्पर्धा गरेकी थिइन्। त्यसबेला उनले १६ हजार ६०६ मत प्राप्त गरे पनि जनता समाजवादी पार्टीका उम्मेदवार अशोककुमार राईसँग ४५३ मतको झिनो अन्तरले पराजित भएकी थिइन्।
प्रकाशित मिति: २४ फाल्गुन २०८२, आइतबार
प्रतिक्रिया