काठमाडौं । राष्ट्रिय स्वतन्त्र पार्टी (रास्वपा) ले संसदीय दलको नेता पदका लागि वरिष्ठ नेता बालेन्द्र शाह (बालेन) लाई सर्वसम्मत रूपमा चयन गर्ने निर्णय गरेको छ।
पार्टी प्रवेश गर्दा नै प्रधानमन्त्री पदको दाबी गरिरहेका बालेनलाई संसदीय दलको नेताका लागि मतदान नगरी सर्वसम्मत चयन गर्ने तयारी भएको पार्टीका महामन्त्री कविन्द्र बुर्लाकोटी ले जानकारी दिएका छन्।
बालेन रास्वपाका वरिष्ठ नेताहरूमध्ये एक हुन्। उनलाई संसदीय दलको नेतामा चयन गर्ने विषयमा चैत्र १२ गते पार्टीको केन्द्रीय समिति बैठक बस्ने व्यवस्था गरिएको छ।
त्यसैअनुसार, नवनिर्वाचित सांसदहरूले चैत्र १२ गते शपथ ग्रहण गर्ने तयारीमा छन् भने रास्वपा चैत्र १३ गते सरकार गठन गर्ने प्रक्रिया अघि बढाउने तयारीमा रहेको छ।
प्रकाशित मिति: ६ चैत्र २०८२, शुक्रबार
प्रतिक्रिया