काठमाडौं । चैत १२ गते सांसदहरूको शपथको केही दिनमै संसद् बैठक सुरु हुने सन्दर्भमा आइतबार सिंहदरबार सुरक्षा प्रवन्धका लागि गृहमन्त्री ओमप्रकाश अर्यालको अध्ययक्षता गृह मन्त्रालयमा बैठक बसेको छ।
बैठकमा गृहसचिव राजकुमार श्रेष्ठ, प्रहरी महानिरीक्षक दानबहादुर कार्की, मन्त्रालयका उच्च अधिकारीहरू सहभागी थिए। बैठकले नवनिर्वाचित संघीय सांसदको सपथ ग्रहण र अधिवेशन सञ्चालनदेखि सिंहदरबारभित्रको आन्तरिक सुरक्षा तयारीबारे छलफल गरेको छ।
गृहमन्त्री अर्यालले सांसदहरुको सपथ ग्रहण, संसद अधिवेशन सञ्चालन र व्यवस्थापन तथा सिंहदरबारभित्रका मन्त्रालयको सुरक्षालाई समेत ध्यानमा राखेर ट्राफिक र सुरक्षा व्यवस्थापन गर्न अधिकारीहरूलाई बैठकमा निर्देशन दिएका थिए।
प्रकाशित मिति: ८ चैत्र २०८२, आइतबार
प्रतिक्रिया