काठमाडाैं । राष्ट्रिय स्वतन्त्र पार्टी का सभापति रवि लामिछाने ले आफूहरू व्यक्तिगत जीवनी लेख्न नभई इतिहास निर्माण गर्ने यात्रामा रहेको बताएका छन् ।
पार्टीका सांसदहरूका लागि आयोजित दुई दिने प्रशिक्षण कार्यक्रमको समापनमा बोल्दै उनले राजनीतिक यात्रालाई ठूलो सपना र परिवर्तनको अभियानका रूपमा अघि सारेको उल्लेख गरे । उनका अनुसार नेता वा प्रधानमन्त्री बन्नु मात्र ठूलो कुरा होइन, देशलाई कस्तो नेतृत्व दिइन्छ भन्ने मुख्य कुरा हो ।
लामिछानेले आफू प्रधानमन्त्री वा मन्त्री बन्न हिँडेको भन्ने बुझाइ गलत भएको स्पष्ट पार्दै पार्टीको उद्देश्य सत्ता मात्र नभई प्रणाली सुधार र जिम्मेवार राजनीतिक अभ्यास रहेको बताए ।
उनले पार्टीका सांसदहरू नयाँ भए पनि सिक्ने र सिकाउने प्रक्रिया निरन्तर रहने बताउँदै अहिलेको विश्व राजनीतिमा नयाँ सोच र दृष्टिकोण आवश्यक भएको धारणा राखे । साथै, उनले आफूहरूको उदयलाई समाजमा भइरहेको “निरन्तर विद्रोह” को हिस्सा भनेर व्याख्या गरे ।
प्रकाशित मिति: २७ बैशाख २०८३, आइतबार
प्रतिक्रिया