काठमाडौँ । प्रधानमन्त्री बालेन्द्र शाह लगातार दोस्रो पटक राज्य व्यवस्था तथा सुशासन समिति को बैठकमा अनुपस्थित भएपछि प्रमुख प्रतिपक्षी दल नेपाली कांग्रेस असन्तुष्ट बनेको छ ।
सुकुमबासी व्यवस्थापन, सुरक्षा प्रशासन र गृह मन्त्रालयसँग सम्बन्धित संवेदनशील विषयमा गृहमन्त्रीको जिम्मेवारीसमेत सम्हालिरहेका प्रधानमन्त्रीसँग जवाफ माग गर्नुपर्ने कांग्रेसको भनाइ छ । तर प्रधानमन्त्री अनुपस्थित भएपछि कांग्रेसले बैठक नै बहिष्कार गरेको हो ।
कांग्रेस संसदीय दलका नेता भीष्मराज आङ्देम्बे सहित सांसदहरू बैठकमा उपस्थित भए पनि अन्ततः उनीहरू बाहिरिएका थिए । आङ्देम्बेले प्रधानमन्त्री बिना समितिको बैठकको औचित्य नहुने भन्दै आपत्ति जनाए ।
उनले प्रधानमन्त्री उपस्थित भएमा मात्र छलफलमा सहभागी हुने, नत्र औपचारिकता मात्रै पूरा गर्न उपस्थित नहुने स्पष्ट पारे । उनका अनुसार प्रधानमन्त्रीलाई समितिमा उपस्थित गराउन पटक–पटक आग्रह गरिएको भए पनि सुनुवाइ नभएको छ ।
प्रधानमन्त्री बालेन्द्र शाह को लगातार अनुपस्थितिका कारण समिति बैठक दोस्रो पटक प्रभावित भएको छ । यसले संसद् समिति स्तरमा सरकार र प्रतिपक्षबीचको तनाव थप बढेको देखिएको छ ।
प्रकाशित मिति: २८ बैशाख २०८३, सोमबार
प्रतिक्रिया