काठमाडौं । राष्ट्रिय स्वतन्त्र पार्टी (रास्वपा) रुपन्देहीको सभापतिमा महेन्द्रप्रसाद चापागाई निर्वाचित भएका छन्।
तिलोत्तमा नगरपालिका–५, मणिग्राममा आइतबार सम्पन्न जिल्ला अधिवेशनमा चापागाईले प्रतिस्पर्धी आशिष न्यौपानेलाई १५३ मतान्तरले पराजित गर्दै सभापतिमा विजय हासिल गरेका हुन्। चापागाईले २९६ मत प्राप्त गर्दा न्यौपानेले १४३ मत पाए।
उपसभापतिमा दुर्गाप्रसाद अर्याल विजयी भएका छन्। उनले २३८ मत प्राप्त गर्दै रचना क्षेत्रीलाई पराजित गरेकी छन्, जसले १८९ मत पाएकी थिइन्।
सचिव पदमा ज्ञानेन्द्र पाण्डे २३७ मतसहित निर्वाचित भए भने उनका प्रतिस्पर्धी मोहनविक्रम जिसीले २०३ मत प्राप्त गरे। सहसचिवमा बाबुराम अर्याल २७९ मतसहित विजयी हुँदा प्रेमनारायण तिवारीले १४८ मत पाए।
कार्यसमिति सदस्यमा शर्मिला आचार्य, अनिता पन्थी, जमुना सापकोटा, रामनाथ हरिजन र राजबहादुर क्षेत्री निर्वाचित भएका छन्।
त्यस्तै, निर्वाचन समितिका अनुसार क्षेत्र नम्बर १ को संयोजकमा खडानन्द पौडेल, क्षेत्र नम्बर २ मा विष्णुप्रसाद पौडेल, क्षेत्र नम्बर ३ मा छविलाल शर्मा, क्षेत्र नम्बर ४ मा विश्वनाथ शर्मा र क्षेत्र नम्बर ५ मा शेषकान्त गैरे (समीर) निर्वाचित भएका छन्।
प्रकाशित मिति: २५ जेष्ठ २०८३, सोमबार
प्रतिक्रिया