काठमाडौं । सम्पत्ति शुद्धीकरण (मनी लाउण्डरिङ्ग) सम्बन्धी मुद्दाको अनुसन्धानका क्रममा पक्राउ परेका व्यवसायी दीपक भट्ट र शुलभ अग्रवाललाई थप तीन दिन हिरासतमा राख्न अदालतले अनुमति दिएको छ।
विशेष अदालतले सोमबार अनुसन्धानका लागि दुवैको म्याद थप गरेको हो। अदालतको आदेशअनुसार भट्टको हकमा आठौँ पटक तथा अग्रवालको हकमा नवौँ पटक तीन–तीन दिनको म्याद थपिएको छ।
न्यायाधीशद्वय नारायणप्रसाद पौडेल र उमेश कोइरालाको संयुक्त इजलासले अनुसन्धान अपूरो रहेको भन्दै हिरासत अवधि थप्न अनुमति दिएको हो।
उनीहरूमाथि सम्पत्ति शुद्धीकरणसम्बन्धी कसुरमा अनुसन्धान जारी रहेको छ।
प्रकाशित मिति: २५ जेष्ठ २०८३, सोमबार
प्रतिक्रिया