काठमाडौं । सिंहदरबारभित्र रहेको केन्द्रीय क्यान्टिनमा बाणिज्य, आपूर्ति तथा उपभोक्ता संरक्षण विभागले अनुगमन गर्दा म्याद सकिएका खानेकुरा भेटिएका छन्।
क्यान्टिनमा खानयोग्य अवधि सकिएका र म्याद सकिएका मसला तथा दुग्धजन्य पदार्थ, दुर्गन्धित मासु र तरकारी भेटिएको विभागको भनाइ छ। 
विभागले आइतबार केन्द्रीय क्यान्टिनमा आकस्मिक अनुगमन गरेको थियो। विभागका बजार निरीक्षण अधिकृत टोलीले अनुगमन गर्दा क्यान्टिनमा दुर्गन्धित मासु र तरकारीसमेत फेला परेको थियो।
यो मात्रै होइन, सिंहदरवारभित्र सञ्चालित अधिकांश यस्ता चमेना गृहहरू कुनै भट्टी भन्दा कम छैनन्, न त खुल्ला स्पेस नै छ न त गुणस्तरीय नै, सरसफाइ त कुन चरीको नाम हो भन्ने अवस्था सिंहदरवारमै छ । 
प्रकाशित मिति: १५ फाल्गुन २०७९, सोमबार
प्रतिक्रिया