काठमाडौं । प्रधानमन्त्रीको सरकारी निवास बालुवाटार परिसरमा अनधिकृत ड्रोन उडेको छ।
सत्ता गठबन्धनको बैठक चलिरहँदा ६ बजेर १० मिनेटमा प्रधानमन्त्रीको सरकारी निवासमाथी ड्रोन उडेको हो । उत्तरदेखि दक्षिणतिर उडेको ड्रोन पुनः दुई मिनेटमा सोही दिशामा ड्रोन उडेको छ ।
केही मिनेटसम्म त्यस क्षेत्रमा ड्रोन उडेको तर सुरक्षाकर्मीहरुले तत्काल कुनै एक्सन लिएनन् । उनीहरुले हेरे मात्रै । ड्रोन केही बेरसम्म उडेको थियो ।
अहिले उक्त अनधिकृत ड्रोन खोज्न नेपाली सेनाले आफ्नो ड्रोन उडाएको छ । बालुवाटार सुरक्षा निकाय अहिले उक्त ड्रोन कसले र किन उडायो भन्ने खोजीकार्यमा लागेको छ।
प्रकाशित मिति: २१ फाल्गुन २०७९, आइतबार
प्रतिक्रिया