मनाङ । विपक्षी दलको उमेदवारी नै नपरेपछि मनाङको नासो गाउँपालिकामा कांग्रेसका तीन वडाध्यक्ष निर्विरोध निर्वाचित भएका छन् । आइतबार र सोमबार मनोनयन दर्ता गरेका उनीहरू निर्विरोध वडाध्यक्ष भएका हुन् । 
निर्विरोध हुनेमा नासो गाउँपालिका ५ का वडाध्यक्ष थुतेन लामा रहेका छन् । ‘ग्लोबल नागरिक’ संगको फोनसम्पर्कमा उनले भने, “मैले त सोमबार नै उमेदवारी दिएको थिएँ, त्यो पदमा अरू कसैको उमेदवारी नै परेन । निर्विरोध भइयो ।” 
उनीबाहेक सोही गाउँपालिकाको वडा नम्बर ६ मा पुष्पबहादुर गुरुङ र ७ मा ओमबहादुर गुरुङ निर्विरोध निर्वाचित भएका हुन् । उनीहरू निर्विरोध भए पनि निर्वाचन अधिकृतको कार्यालयले भने घोषणा गर्न बाँकी छ। 
प्रकाशित मिति: १२ बैशाख २०७९, सोमबार
प्रतिक्रिया