काठमाडौं । मगर तथा तामाङ समुदायलाई लक्षित गरी दिएको अभिव्यक्तिलाई लिएर अधिवक्ता भगवती पाण्डे बुधवार पक्राउ परेकी छन् ।
पाण्डेलाई पक्राउ गरेर बयान लिने काम भइरहेको काठमाडौं प्रहरी परिसरका डीएसपी अनिल अधिकारीले जानकारी दिए ।
पाण्डेलाई पक्राउ गर्न माग गर्दै तामाङ कलाकार तथा उक्त समुदायका व्यक्तिहरू आन्दोलित छन् ।
आन्दोलनका कारण जिल्ला प्रहरी परिसर टेकुअगाडि झडप समेत भएको थियो । आन्दोलनकारीलाई नियन्त्रणमा लिन प्रहरीले अश्रु ग्यास नै प्रहार गर्नुपरेको छ ।
पाण्डेले तामाङ तथा मगरहरूमा मामा तथा फुपूका छोराछोरीबीच हुने विवाहका विषयलाई लिएर अभिव्यक्ति दिएकी थिइन् ।
उनको अभिव्यक्तिको संसददेखि सडकसम्म विरोध भइरहेको छ ।
प्रकाशित मिति: १७ श्रावण २०८०, बुधबार
प्रतिक्रिया