काठमाडौं । रोल्पाबाट दाङको घोराहीका लागि छुटेको बस दुर्घटना हुँदा १५ जना घाइते भएका छन् ।
मंगलबार दिउँसो रोल्पाको बागमाराबाट घोराहीका लागि छुटेको ना ५ ख २६१२ नम्बरको बस त्रिवेणी गाउँपालिका-७ मा दुर्घटनामा परेको हो ।
दुर्घटनामा घाइते भएका १५ जनामध्ये ३ जनाको अवस्था गम्भीर रहेको जिल्ला प्रहरी प्रमुख डीएसपी श्याम सारू मगरले जानकारी दिए । उनका अनुसार घाइतेहरूको स्थानीय मेडिकल र स्वास्थ्य चौकीमा उपचारका लागि पठाइएको छ ।
बस सडकभन्दा १०० मिटर तल खसेको प्रहरीले जनाएको छ । बस चालक भने फरार रहेको र उनको खोजी भइरहेको डीएसपी मगरले बताए । पानी परेर बाटो चिप्लो भएकाले दुर्घटना भएको हुनसक्ने प्रहरीको प्रारम्भीक अनुमान छ ।
प्रकाशित मिति: २३ श्रावण २०८०, मंगलबार
प्रतिक्रिया