काठमाडौं । भारतीय अभिनेता रणवीर कपुरले मासु र रक्सी नखाने घोषणा गरेका छन्।
उनले आफ्नो नयाँ प्रोजेक्टका लागि मासु र रक्सी छोडेका हुन्। रणवीर फिल्म रामायणमा काम गर्दै छन्। यो फिल्ममा काम गर्दासम्म मासु र रक्सी दुबै नखाने घोषणा उनले गरेका हुन्।
निर्देशक नितेश तिवारीको यो फिल्ममा रणवीर भगवान् रामको भूमिकामा देखिँदैछन्।
यो भूमिकामा आफूलाई चुर्लुम्म डुबाएका उनले रक्सी छुँदै छोएका छैनन्। सुटिङ पूरा नहुँदासम्म माछामासु पनि हात नलगाउने मिडिया रिपोर्ट्सहरु आइरहेका छन्।
फिल्म स्टारहरू हरेक फिल्मको क्यारेक्टरमा डुब्न अनेक उपाय अपनाइरहेका हुन्छन्। रणवीरले पनि आफ्नो क्यारेक्टरलाई न्याय प्रदान गर्न फिल्म छायांकन अवधिभर माछामासु नखाने भएका हुन्।
प्रकाशित मिति: २ कार्तिक २०८०, बिहिबार
प्रतिक्रिया