काठमाडौं । अर्ना वियरले जाजरकाेट-रुकुमका भूकम्प प्रभावितलाई २५ लाख रुपैयाँ सहयाेग प्रदान गर्ने घाेषणा गरेकाे छ। यति ब्रुअरी लि. (अर्ना बियर)ले सामाजिक सञ्जालमार्फत सहयाेग प्रदान गर्ने घाेषणा गरेकाे हाे।
‘विपद्को यस घडीमा सबैले आ-आफ्नो ठाउँबाट यथाशक्य सहयोग गर्नु हामी सबै नेपाली नागरिक तथा संघ सस्थाहरुको सामूहिक जिम्मेवारी ठहर्दछ,’ अर्नाले भनेकाे छ, ‘अत: सबैको सहयोगको हातेमालोको अपेक्षा गर्दै यस यति ब्रुअरी लि.(अर्ना बियर)ले पनि भूकम्प पीडितहरुको सहयोगार्थ रु.२५ लाख सहयोग उपलब्ध गराउने घोषणासमेत गर्दछौँ।’
जाजरकाेटकाे बारेकाेट केन्द्रबिन्दु भएर शुक्रबार राति ११:४७ बजे ६.४ रेक्टरकाे भूकम्प गएकाे थियाे। भूकम्पबाट हालसम्म १ सय ५७ जनाकाे ज्यान गएकाे छ भने कयाैँ घाइते भएका छन्।
भूकम्प प्रभावितहरुकाे लागि राहत र उद्दारकाे लागि सहयाेग जुट्ने क्रम जारी छ। याे सूचीमा अर्ना वियर पनि थपिएकाे छ।
प्रकाशित मिति: १८ कार्तिक २०८०, शनिबार
प्रतिक्रिया