काठमाडौं । भारतले नेपाललाई दिएका १५ वटा मुर्रा राँगा स्वदेश आइपुगेका छन्। राँगाको बिल नभएको भन्दै भारतीय भन्सारले नाकामै रोकेको थियो।
बुधबार साँझ नेपालगञ्जको रूपैडिया नाकामा भारतबाट ल्याइएको १५ वटा मुर्रा राँगा पशु सेवा विभागका अधिकारीहरूले बुझेका छन्।
गत जेठमा प्रधानमन्त्री पुष्पकमल दाहाल ‘प्रचण्ड’ भारत भ्रमणमा जाँदा भारत सरकारले नेपाललाई १५ वटा उन्नत जातका मुर्रा राँगा अनुदानमा दिने बताएको थियो।
सोही राँगा लिन बुधबार पशु सेवा विभागका प्रमुख एवं पशु विकास अधिकृत माधव अर्यालसहितको टोली नेपालगञ्ज पुगेको थियो।
प्रकाशित मिति: ६ मंसिर २०८०, बुधबार
प्रतिक्रिया