काठमाडौँ । सभामुख देवराज घिमिरेको सचिवालयको गाडी मोहन वैद्य नेतृत्वको क्रान्तिकारी कम्युनिष्ट पार्टी नेपालका कार्यकर्ताले रोकेका छन् ।
पुरानो बानेश्वरमा सभामुख सचिवालयको ००२ झ ६६७१ नम्बरको गाडी वैद्यका कार्यकर्ताले रोकेका थिए । उक्त पार्टीका नेता कार्यकर्ताले सार्वजनिक बिदाको दिन गाडी चलाएकाले नियन्त्रणमा लिएको बताइएको छ ।
तर सभामुखका प्रेस सल्लाहकार शेखर अधिकारीले सभामुखको काममा सार्वजनिक बिदाको दिन पनि चलाउने पास रहेको जानकारी दिए । उनले भने, ‘पास देखाउँदा देखाउँदै पनि उनीहरूले नक्कली हो भन्दै अवरोध गरे ।’
प्रकाशित मिति: १५ पुस २०८०, आइतबार
प्रतिक्रिया