काठमाडौं । राजा ज्ञानेन्द्र शाहले भैरहवामा सम्बोधन गर्ने भएका छन् । बिहीबार (भोलि) नागरिक अभिनन्दनपछि उनले सम्बोधन गर्ने कार्यक्रम तय भएको हो ।
बिहीबार दिउँसो राजाको नागरिक अभिनन्दन कार्यक्रम यसअघि नै तय भैसकेको छ । यसअघि विभिन्न ठाउँमा नागरिक अभिनन्दन भए पनि राजाले कमै मात्र सम्बोधन गरेका छन्।
एक महिना उपत्यका बाहिर रहने पूर्वराजा वीरगञ्जसमेत जाने कार्यक्रम रहेको छ।
गत साता राजाले कपिलवस्तुको शिवराजनगरपालिका– ३ खैरेन्द्रपुर चौराहामा निर्माण गरिएको नेपाल एकीकरणका पिता पृथ्वीनारायण शाहको जंगी शालिकको अनावरण गरेका थिए।
प्रकाशित मिति: १८ पुस २०८०, बुधबार
प्रतिक्रिया