काठमाडौँ । त्रिभुवन अन्तर्राष्ट्रिय विमानस्थल अध्यागमन कार्यालयका कर्मचारीमाथि प्रहरीले कुटपिट गरेको घटनाबारे छानबिन गर्न समिति गठन गरिएको छ ।
विमानस्थल कार्यालयका कर्मचारी र प्रहरीबीच भएको घटनबारे गम्भीर ध्यानाकर्षण भएको जनाउँदै शुक्रवार गृह मन्त्रालयले मन्त्रालयका सहसचिव थानेश्वर गौतमको संयोजकत्वमा तीन सदस्यीय समिति गठन गरेको हो ।
समितिमा नेपाल प्रहरीका प्रहरी नायव महानिरीक्षक(डिआइजी) राजेशनाथ बास्तोला र सीमा तथा अध्यागमन प्रशासन शाखाका उपसचिव कुल बहादुर जिसी सदस्य रहेका छन् ।
प्रहरीले त्रिभुवन विमानस्थलमा अध्यागमन अधिकृत र प्रमुख अध्यागमन अधिकृत तथा कार्यालय प्रमुख गोगनबहादुर हमालमाथि शुक्रबार दिउँसो हातपात गरेको थियो ।
प्रकाशित मिति: १२ माघ २०८०, शुक्रबार
प्रतिक्रिया