काठमाडौँ । सुनसरीको हरिनगरा गाउँपालिका-१ हर्षाही बस्ने ४० वर्षीय किसान यादवलाई कटुवा पेस्तोल सहित गएराति प्रहरीले पक्राउ गरेको छ ।
भोक्राहा नर्सिङ गाउँपालिका-४ लबटोलिया बस्ने जुगेश्वर यादवको २ वटा भैँसी चोरी भएको भन्ने सूचना प्राप्त हुनासाथ प्रहरी चौकी चिरौलीबाट खटिएको प्रहरीले चोरीमा संलग्न यादवलाई उक्त हतियारसहित फेला पारी पक्राउ गरेको हो । उनको साथबाट प्रहरीले कटुवा पेस्तोल १ थान र सोही पेस्तोलको गोलीको खोका १ बरामद गरेको छ।
प्रहरीले चोरीमा संलग्न हाल फरार अन्य व्यक्तिहरूको खोजीकार्य जारी राख्दै आवश्यक अनुसन्धान गरिरहेको छ ।
प्रकाशित मिति: २० माघ २०८०, शनिबार
प्रतिक्रिया