काभ्रे – काभ्रेको रोशी गाउँपालिका ११ मङ्गलटारमा बस र जीप ठोक्किँदा पाँच जनाको मृत्यु भएको छ भने १८ जना घाइते भएका छन्। काठमाण्डौबाट जनकपुरका लागि छुटेको भारतीय नम्बर प्लेटको बस यूपी ५८ टी ८१८१ र सिन्धुलीबाट काठमाण्डौका लागि छुटेको ना १ ज ४२१० नम्बरकाे जीप मङ्गलटार भन्ने स्थानमा एक आपसमा ठोकिएका हुन् । 
दुर्घटनामा परी ज्यान गुमाउने हरुमा पाँचै जना जीपका यात्रु सबै नेपाली रहेको र उनिहरु को परिचय खुलिसकेको प्रहरी नायब उपरीक्षक (डीएसपी) हरि खतिवडाले बताए ।मृत्युु हुनेमा सिन्धुलीकाे कमलामाई नगरपालिका ७ का ३० वर्षीय विक्रम श्रेष्ठ, कमलामाई ४ का ४५ वर्षीय हरिबहादुर बल, सुनकोशी गाउँपालिका १ की ४४ वर्षीया प्रमिला नेपाली रहेका छन् भने रामेछापकाे खाँडादेवी गाउँपालिका ८ की सम्झना भुसाल र उनका ६ वर्षीय छोरा सङ्गीत रहेका छन् ।
घाइते १८ मध्ये केहीको स्थानीय अस्पतालमा उपचार भइरहेको छ भने गम्भीर हरुको धुलिखेल अस्पताल मा उपचार भइरहेको डीएसपी खतिवडाले बताए ।प्रहरीले दुवै गाडीलाई नियन्त्रणमा लिएर घटनाको थप अनुसन्धान गरिरहेको छ । 
प्रकाशित मिति: २१ बैशाख २०७९, बुधबार
प्रतिक्रिया