रुकुम । रुकुम पश्चिम को त्रिवेणी गाउँपालिका वडानम्बर ९ नुवाकोटमा नेकपा माओवादी केन्द्र र नेपाली कांग्रेसका कार्यकर्ताबीच झडप भएको छ ।
आज बिहान कांग्रेस र माओवादी केन्द्रका कार्यकर्ताबीच झडप भएको हो। झडपका क्रममा कांग्रेसका तर्फबाट गाउँपालिका अध्यक्ष पदका उम्मेदवार अमरसिंह खड्का चढेको गाडीमा पनि तोडफोड भएको छ । रा १ च १२६२ नम्बरको अध्यक्ष पदका उम्मेदवार चढेको जीप तोडफोड भएकाे हो ।
‘नुवाकाेट प्रहरी चौकीमा थोरै जनशक्ति भएकोले झडप नियन्त्रणमा लिन गाह्रो भएको छ । ‘जिल्ला प्रहरी कार्यालय रुकुम पश्चिमका प्रमुख, प्रहरी नायब उपरीक्षक विष्णुप्रसाद सोतीले बताए । जिल्लाबाट थप सुरक्षाकर्मी झडप भएकाे स्थलतर्फ जाँदै गरेको पनि उनले बताए ।
प्रकाशित मिति: २२ बैशाख २०७९, बिहिबार
प्रतिक्रिया