काठमाडौँ । लोकगायिका शान्ति श्री परियारले ठूलो दुर्घटनाबाट जोगाएको भन्दै यति एयरलान्सका क्याप्टेन लबिस चन्दलाई धन्यवाद दिएकी छन्।
सोमबार साँझ सामाजिक सञ्जाल फेसबुकमार्फत गायिका परियालले क्याप्टेन चन्दलाई धन्यवाद दिएकी हुन्।
उनले सामाजिक सञ्जालमा लेखेकी छन्, ‘धन्यवाद क्याप्टेन लबिस चन्द ! प्लेनमा रहेका हामी सबैले ७५ प्रतिशत जिन्दगी छोडेका थियौँ, हजुरले आफ्नो प्रायस जारी राख्नु भो र गन्तब्यभन्दा फरक ठाउँमा अवतरण भयो तर सबैलाई नयाँ जिवन त दिनु भयो नि ।’
सोमबार काठमाडौँबाट भैरहवाका लागि उडेको यति एयरको जहाज प्रतिकूल मौसमका कारण जनकपुरमा आकस्मिक अवतरण गरेको थियो ।
प्रकाशित मिति: २५ बैशाख २०८१, मंगलबार
प्रतिक्रिया