काठमाडाैँ । कान्तिपुर मिडिया ग्रुपका अध्यक्ष कैलाश सिरोहियाले आफूमाथि गैर कानुनी धरपकड हुनसक्ने भन्दै सर्वोच्च अदालतमा दर्ता गरेको रिट निवेदनमा अदालतले गृह मन्त्रालयसँग जवाफ माग गरेको छ।
न्यायाधीश टेकप्रसाद ढुंगानाको इजलासले सिरोहियामाथि धरपकड र उनको नागरिकता छानबिन गर्नुपर्ने कारण पेस गर्न गृह मन्त्रालयको नाममा कारण देखाऊ आदेश जारी गरेको हो।
सिरोहियाले सोमबार सर्वोच्च अदालतमा गृह मन्त्रालय र जिल्ला प्रहरी कार्यालय धनुषाविरुद्ध प्रतिषेधको रिट दायर गरेका थिए । रिटमा गैर कानुनी धरपकड हुनसक्ने भन्दै त्यसलाई रोक्न माग गरिएको थियो।
अदालतले धरपकड र उनको नागरिकता छानबिन गर्नुपर्ने कारण पेस गर्न उजुरी दर्ता भएको जिल्ला प्रहरी कार्यालय धनुषालाई पनि कारण देखाउ आदेश जारी गरेको छ।
प्रकाशित मिति: २६ बैशाख २०८१, बुधबार
प्रतिक्रिया