काठमाडौँ । गृहमन्त्री रमेश लेखकले पदस्थापनसँगै दुई निर्णय गरेका छन् । मन्त्रालयमा पदस्थापन गर्दै उनले चितवनको सिमलतालमा भएको बस दुर्घटनाका सत्य तथ्य छानबिनका लागि कार्यदल गठन गर्ने निर्णय गरेका छन् ।
सहसचिव छवि रिजालको संयोजकत्वमा ६ सदस्यीय कार्यदल गठन गर्ने निर्णय भएको हो । कार्यदलले दुर्घटनाको सत्य तथ्य विवरण र आगामी दिनमा त्यस्ता दुर्घटना दोहोरिन नदिन अवलम्बन गर्नुपर्ने उपायका सम्बन्धमा अध्ययन गरी १० दिनभित्र प्रतिवेदन पेस गर्नुपर्ने छ ।
यसै गरी अपराध अनुसन्धानलाई प्रविधिमैत्री बनाउने निर्णय भएको छ । अपराध अनुसन्धानलाई प्रविधिमैत्री बनाउने उद्देश्यले तयार भएको (क्राइम एक्सन प्लान) चौथो त्रि वर्षीय अपराध नियन्त्रण तथा अनुसन्धान कार्ययोजना (२०८१–८२ देखि २०८३–८४)सम्म स्वीकृत गरी कार्यान्वयन गर्ने निर्णय गृहमन्त्री लेखकले गरेका छन् ।
प्रकाशित मिति: ३२ असार २०८१, सोमबार
प्रतिक्रिया