सल्यान । सल्यानमा विजय जुलुस मनाउन जाने क्रममा करेन्ट लागेर दुई जनाको मृत्यु भएको छ भने १३ जना घाइते भएका छन् । नेपाली कांग्रेस र नेकपा एमालेको गठबन्धनबाट कुमाख गाउँपालिका अध्यक्षमा मानबहादुर बुढाथोकी र उपाध्यक्षमा लालबहादुर रावतले जित हासिल गरेका छन् ।
उनीहरूकाे जितमा विजय जुलुस मनाउन जाने क्रममा करेन्ट लागेर कुमाख गाउँपालिका-४ का २६ वर्षीय लोकेन्द्र राना र २३ वर्षीय गोपाल बुढाथोकीकाे मृत्यु भएकाे हाे । विजय जुलुसमा जाँदै गर्दा ना ५ ख ८०६० नम्बरको बसको छतमा बसेका बेला उनीहरूलाई करेन्ट लागेकाे थियाे ।
दुवैको घटनास्थलमै मृत्यु भएकाे जिल्ला प्रहरी कार्यालय सल्यानले जनाएको छ । घाइते सबैलाई उपचारको लागि मिसन अस्पताल चौरजहारी लगिएको जिल्ला प्रहरी कार्यालय सल्यानका प्रहरी प्रमुख सुमित खड्काले बताए।
प्रकाशित मिति: २ जेष्ठ २०७९, सोमबार
प्रतिक्रिया