काठमाडौं । काठमाडौं महानगरपालिकाको मेयरमा स्वतन्त्र उम्मेदवारी दिएका बालेन शाहले पछिल्लो मतपरिणाम अनुसार १२५५३ मत ल्याएका छन्। दोस्रो स्थानमा रहेका एमालेका केशव स्थापितले ६७०६ मत प्राप्त गरेका छन्। तेस्रो स्थानमा रहेकी कांग्रेसकी सिर्जना सिंहले ५९५७ मत पाएकी छन्। डिल्लीबजारको मतगणनाको शुरुवाती चरणमा सिर्जना सिंह पहिलो, बालेन शाह दोस्रो र केशव स्थापित तेस्रो स्थानमा रहेका थिए। तर अहिले फेरि बालेन शाहले वडा नम्बर २९ मा अग्रता कायम गरेका छन्। 
वडा नम्बर ३, ४, ५, ६, ३०, ३१ र ३२ को मतगणना भइरहेकोमा अहिले २९ नम्बर वडाको पनि मत गणना सुरु भएको छ। २९ नम्बरमा बालेनले ७३ मत पाउँदा सिर्जनाले ६२ र स्थापितले ३२ मत पाएका छन्। बाँकी सबै वडामा पनि बालेनले सबैभन्दा धेरै मत पाइरहेका छन्। 
प्रकाशित मिति: ३ जेष्ठ २०७९, मंगलबार
प्रतिक्रिया