काठमाडौँ । भक्तपुरमा ट्रकले स्कुटरलाई ठक्कर दिदा १ जनाको मृत्यु भएको छ ।
ट्रकले स्कुटर चालकलाई ठक्कर दिएर करिब २० मिटर धसार्दै लगेको थियो । मृतकको शव क्षतविक्षत अवस्तामा रहेको घटनास्थलमा रहेका एक प्रहरीले जानकारी दिए । बिहीबार दिउँसो १:४० बजे ना ६ ख २१७३ नम्बरको ट्रकले बा ४९ प ८९४४ नम्बरको स्कुटरलाई ठक्कर दिँदा दोलखाको मेलुङ गाउँपालिका–६ कि २६ वर्षकी सुष्मा नेपालीको घटनास्थलमै मृत्यु भएको उपत्यका ट्राफिक कार्यालयका एसएसपी जीवन श्रेष्ठले जानकारी दिए ।
दुर्घटनापछि ट्रक चालक फरार छ भने स्थानीयले सडक अवरुद्ध गरेका छन् । उनीहरुले ट्रक तोडफोड समेत गरेका छन् । अवस्था तनाबग्रस्त भएपछि बाक्लाे मात्रमा प्रहरी परिचालन गरिएकाे छ ।
प्रकाशित मिति: ३१ श्रावण २०८१, बिहिबार
प्रतिक्रिया