काँग्रेसले भन्यो – रविले क्लीन चिट पाएका होइनन्

काठमाडौँ । नेपाली काँग्रेसले रास्वपा सभापति रवि लामिछानेले सहकारी प्रकरणमा क्लीन चिट पाई नसकेको बताएको छ ।

आज सहकारी छानबिन संसदीय विशेष समितिको प्रतिवेदन सदनमा पेस भएपछि संसद भवन बाहिर प्रतिक्रिया दिँदै काँग्रेस प्रवक्ता डा. प्रकाशरण महतले गोर्खा मिडिया नै सहकारी ठगेको पैसाबाट चलेको पुष्टि भएको जिकिर गरे ।

उनले गोरखा मिडियाको सीईओ भएर रवि लामिछानेले सहकारी ठगीबाट आएको पैसाको तलब भत्ता खाएको पुष्टि भएकाले दोषी हुँदै होइनौँ भनेर घोषणा गर्नु गैरजिम्मेवारपूर्ण भएको बताए ।

प्रकाशित मिति: ३१ भाद्र २०८१, सोमबार