काठमाडौँ । काठमाडौं महानगरपालिकाले काभ्रेपलाञ्चोकका बाढी प्रभावित तीन वटा स्थानीय तहलाई २०/२० लाख रुपैयाँ अनुदान सहयोग गर्ने भएको छ । बाढीजन्य विपदबाट पुगेको क्षति पुनःस्थापना तथा संकट व्यवस्थापन गर्न राहतका लागि महानगरले २०/२० लाख रुपैयाँ अनुदान सहयोग उपलब्ध गराउने जनाएको हो ।
महानगरपालिकाका प्रमुख बालेन्द्र साहको अध्यक्षता शुक्रबार बसेको महानगर विपद व्यवस्थापन समितिको बैठकले पालिकाहरूको कोषमा सहयोग रकम उपलब्ध गराउने निर्णय गरेको हो ।
काभ्रेका पनौती नगरपालिका, रोशी र वेथान चोक गाउँपालिकालाई उक्त रकम सहयोग गरिएको महानगर विपदव्यवस्थापन समितिका संयोजक प्रेम थापाले जानकारी दिए ।
महानगरले आन्तरिक क्षति व्यवस्थापन गर्दै संकटमा परेका पालिकालाई सहयोग उपलब्ध गराएको जनाएको छ । यसैगरी महानगरले आन्तरिकतर्फ आफ्नो भौगोलिक क्षेत्रभित्र भएको क्षतिको विवरण पठाउन वडाहरूलाई पत्राचार समेत गरेको छ ।
प्रकाशित मिति: १८ आश्विन २०८१, शुक्रबार
प्रतिक्रिया