दाङ – दाङको बङ्गलाचुली गाउँपालिका–८ रानीखुट्टी जङ्गलमामा सिकार खेल्न गएको बेला गोली लागेर एक जनाको मृत्यु भएको छ।सिकार खेल्न बारुद भरिएको बन्दुक भिरेर हिँडेको बेला लमही–१ वसन्तपुरका २३ वर्षीय कालुराम घर्तीमगरको बन्दुक पड्किएर मृत्यु भएको हो ।
सिकार खेल्न लस्करै हिँडेको बेला पड्किएर मृत्यु भएको प्रहरी कार्यालय लमहीका प्रमुख पुष्पराज थापाले जानकारी दिए ।उक्त घटनापछि ८ जनालाई प्रहरीले पक्राउ गरेको छ । पक्राउ पर्नेमा लमही–१ वसन्तपुरका ४० वर्षीय जीवलाल घर्तीमगर, मृतकका दाइ २८ वर्षीय मीनबहादुर घर्तीमगर, दिलबहादुर घर्तीमगर ,४५ वर्षीय बुद्धिमान घर्तीमगर, ५० वर्षीय ओमबहादुर घर्तीमगर र खगेन्द्र घर्तीमगर रहेका छन् । 
पक्राउ पर्नेमा दुई जना अन्य नाबालक पनि रहेको बताईएको छ । घटनाबारे थप अनुसन्धान भइरहेको प्रहरीले जनाएको छ।
प्रकाशित मिति: १४ जेष्ठ २०७९, शनिबार
प्रतिक्रिया