साप्ताहिक राशिफल | आज कात्तिक २४ गते शनिबारदेखि ३० गते शुक्रबारसम्मको ‘साप्ताहिक राशिफल’

• ज्योतिष तथा वास्तुविद् सुरेशचन्द्र रिजालले तयार पारेको कात्तिक २४ गते शनिबारदेखि कात्तिक ३० गते शुक्रबारसम्मको साप्ताहिक राशिफल पढ्नुहोस्:

मेष : (चु, चे, चो, ला, लि, लु, ले, लो, अ)
काम गरेर अरूलाई प्रभावित पार्ने समय रहेकोछ । नयाँ काम थालनी होला । प्रतिष्ठित काम गर्ने मौका मिल्ने छ।  विद्यामा पनि प्रगति हुनेछ । दाम, इनाम र प्रतिष्ठा पनि कमाउने बेला छ । बिहीबार र शुक्रबार भने काममा बाधा होला, व्यवसायबाट घाटा हुने योग देखिन्छ  । खर्च र थकाइ समेत बढ्ने योग रहेको छ ।

वृष: (इ, उ, ए, ओ, वा, वि, वु, वे, वो)
साताको प्रारम्भमा व्यावसायिक काममा निकै नै उन्नति हुनेछ । राजनीति तथा नोकरीमा सोचेअनुसार लाभ मिल्नेछ  । काम गरेर अरूलाई प्रभावित पार्ने समय छ । धार्मिक वा सामाजिक कामबाट प्रतिष्ठा मिल्नेछ ।व्यवसायिक यात्राको योग देखिन्छ । आयआर्जन पनि प्रशस्त हुनेछ । प्रेम र मित्रताको गाँठो कसिएला । सप्ताहान्तमा भने खर्चमा वृद्धि र व्यवसायमा गिरावट आउने देखिन्छ ।

मिथुन : (का, कि, कु, घ, ङ, छ, के, को, हा)
साताको प्रारम्भमा घरायसी समस्याले घेर्नेछन्। प्रेमसम्बन्धमा उतारचढाव आउला । चोटपटक लाग्ने सम्भावना छ । कामको दायित्व बढ्नेछ । धार्मिक कृत्यमा अभिरुचि बढ्नेछ ।गरेको काममा प्रशंसा पाइएला । नयाँ कामको थालनी हुनेछ । साताको अन्त्यमा व्यापार बढ्नुक साथै आयमूलक काममा पनि सफलता नै मिल्नेछ ।सेयरबजारमा सोचेअनुसार सफलता मिल्नेछ ।

कर्कट : (हि, हु, हे, हो, डा, डि, डु, डे, डो)
साताको प्रारम्भमा समय मनोरञ्जनपूर्ण रहनेछ  । रमाइलो यात्रा गर्ने अवसर आउनेछ ।शैक्षिक क्षेत्रबाट सोचेअनुसार सफलता मिल्नेछ । नयाँ कामको जिम्मेवारी मिल्नेछ   चुनौती हट्नेछन् साताको अन्त्यमा कीर्तिमानी काम गर्ने मौका मिल्नेछ । सामाजिक काममा मन जाला। धार्मिक यात्राको योग रहेको छ ।

सिंह : (मा, मि, मु, मे, मो, टा, टि, टु, टे)
साताको प्रारम्भमा अधुरा या रोकिएका कामहरू बन्नेछन् । शिक्षामा सोचेअनुसार सफलता मिल्नेछ । आतिथ्यपूर्ण सम्मान पाइनेछ । रमाइलो जमघटमा आफ्ना बिचार राख्न पाइनेछ ।  बिहीबार र शुक्रबार केही समस्यामा परिनेछ । अनावश्यक झमेला आइलाग्न सक्छन् । विवाद बढ्ने र चोटपटक लाग्ने योग रहेकाले विशेष सावधानी अपनाउनु पर्नेछ ।

कन्या : (टो, पा, पि, पु, ष, ण, ठ, पे, पो)
साताको प्रारम्भमा  राम्रो प्रगति गर्न सकिनेछ । प्रतिष्ठित बुद्धिजीवीसँग भेटघाट गर्ने मौका मिल्नेछ । शैक्षिक क्षेत्रमा विशेष लाभदायक समय छ । व्यावसायिक कामबाट लाभ उठाउने मौका छ । शत्रु परास्त भएर जानेछन् । मुद्दासमेत किनारा लाग्नेछन् । प्रेमसम्बन्ध प्रगाढ बन्नेछ । तर, साताको अन्त्यमा पारिवारिक झमेला, काममा बाधा र स्वास्थ्यमा संकट आउने ग्रहयोग रहेको छ ।

तुला : (रा, रि, रु, रे, रो, ता, ति, तु, ते)
परिवारजनमा असमझदारी बढ्न सक्छ । हात लागिसकेको काम फुत्कने सम्भावना छ । पठनपाठनमा राम्रो प्रगति हुनेछ । आर्थिक पक्ष सबल बन्नेछ । व्यापार–व्यवसायमा पनि प्रगति गर्न सकिनेछ । प्रतिस्पर्धीहरू स्वतः निष्क्रिय होलान् । स्वास्थ्यमा सुधार र काममा उत्साह थपिनेछ । साताको अन्त्यमा रमाइला ठाउँको भ्रमण गर्ने अवसर जुट्नेछ ।

वृश्चिक : (तो, ना, नि, नु, ने, नो, या, यि, यु)
काममा सोचेजस्तै सफलता मिल्नेछ । सहयोगीहरूले साथ दिनेछन् र उत्साह पनि बढ्नेछ । प्रतिस्पर्धामा फाइदा उठाउने समय रहेको छ । बुधबार र बिहिवार भने निर्णय गलत ठाउँमा पर्नाले फाइदा अर्कैले लिन सक्नेछन्  कर्मयोगका थप बाटाहरू अवश्य खुल्नेछन् । पढाइलेखाइ र व्यवसायमा उन्नति हुनेछ ।साताको अन्त्यमा  शत्रु पराजित हुनेछन् ।नयाँ जिम्मेवारीका साथ कामको थालनी हुनेछ ।

धनु : (ये, यो, भा, भि, भु, धा, फा, ढा, भे)
बोलीको भरमा विशेष काम बन्ने समय रहेको छ। तपाईंका प्रशंसकहरू थपिनेछन् । उद्योग–व्यवसायमा पनि सोचे अनुसार सफलता मिल्नेछ । बुधबार र बिहीबार भने अरूको भरपर्ने समय छैन । आफन्तप्रति शंका जाग्नेछ । खानपानको असावधानीले स्वास्थ्यमा पनि समस्या आउला साताको अन्त्यमा पठनपाठनमा प्रगति हुनेछ ।

मकर : (भो, जा, जि, जु, जे, जो, ख, खि, खु, खे, खो, गा, गि)
साताको प्रारम्भमा प्रियजनसँग भेटघाट हुनेछ । पार्टी, पिकनिक वा भोजमा जाने मौका मिल्नेछ । पारिवारिक जमघट हुने योग रहेको छ । सहयोगीहरूले साथ दिनेछन् । कर्मयोगमा अभिवृद्धि हुनेछ । पराक्रम बढेर जाने छ । आम्दानी पनि बढ्नेछ । साताको अन्त्यमा आफन्तकै विश्वासघातमा परिएला । झुटा आरोप आइलाग्ने योग रहेकोछ । सानो गल्तीले धोका पाइने सम्भावना छ ।

कुम्भ : (गु, गे, गो, सा, सि, सु, से, सो, दा)
अनावश्यक काममा ढिपी गर्दा पैसा र समय खेर जानेछन्  । वैदेशिक वा टाढाको यात्रा सम्भावित छ । मंगलबारदेखि समय अनुकूल रहनेछ । विशेष व्यक्तित्वसँग भेटघाट हुनेछ  । दाम, इनाम र प्रतिष्ठा कमाउने समय रहेको छ। प्रशंसकहरू बढ्नेछन् । साताको अन्त्यमा काममा उत्साह थपिनेछ। सानो प्रयत्नले ठूला काम बन्ने समय छ । मनपर्ने वस्त्र वा सरसामान उपहार पाइएला ।

मीन : (दि, दु, थ, झ, ञ, दे, दो, चा, चि)
सुरुको समय अनुकूल रहनेछ । सञ्चित कर्मको फल पाउने समय छ । शरीरमा आरोग्य एवं स्फूर्ति बढ्नेछ । बुधबार भने आकस्मिक खर्च बढ्नेछ । सत्कार्यमा गरेको लगानीबाट फाइदा उठाउन सकिनेछ । वैदेशिक क्षेत्रबाट प्रशस्त फाइदा उठाउने मौका छ । भेटघाटमा मन रमाउनेछ । मनपर्ने वस्त्र, अलंकार आदि लाभ होला ।साताको अन्त्यमा  बोलीकै भरमा महत्वपूर्ण काम बन्ने योग छ ।

आजको दैनिक राशिफल पनि हेर्नुहोस्।

प्रकाशित मिति: २४ कार्तिक २०८१, शनिबार