काठमाडौं– कबड्डी ४ की अभिनेत्री मिरुना मगरविरूद्ध चाबहिलस्थित केएल टावरमा युवाहरुले प्रदर्शन गरेका छन् ।
आइतबार दिउँसो साढे २ बजे कबड्डी-४ सिनेमाको फिल्म प्रोमोसनमा जाँदा अभिनेत्री मगरमाथी दुर्व्यवहार गरेको भन्दै प्रहरीले मुगुको मुगूम कार्मारोङ गाउँपालिका-२ घर भएका २४ वर्षीय फुर्वा तामाङलाई पक्राउ गरेको थियो। युवाहरूले पक्राउ परेका व्यक्ति तामाङ भिक्षु भएको र उनले अभद्र व्यवहार नगरेको भन्दै विरोध प्रदर्शन गरेका हुन् ।तर अभिनेत्री मगरले भने अभद्र व्यवहार गरेको भन्दै तामाङमाथि थप्पड समेत हानेकी थिइन्। 
प्रदर्शनको क्रममा युवाहरूले केएल टावरमा कबड्डी-४ को पोष्टर जलाउँदै अभिनेत्री मगरले तत्काल माफी माग्नुपर्ने र भिक्षुलाई नि:शर्त रिहा गरिनु पर्ने माग राखेका छन्। उता प्रहरी ले तामाङलाई जिल्ला प्रशासन कार्यालय काठमाडौंबाट म्याद थप गरी थप अनुसन्धान अघि बढाएको छ ।
प्रकाशित मिति: १७ जेष्ठ २०७९, मंगलबार
प्रतिक्रिया