धनुषा प्रहरीले ज्यान मार्ने उद्योग मुद्दामा फरार रहेको आरोपमा धनुषाको शहीदनगर नगरपालिका–९ को वडा सदस्यमा हालै निर्वाचित राजेश बिराजीलाई पक्राउ गरेको छ।ज्यान मार्ने उद्योग मुद्दामा फरार सूचीमा रहेको जनाउँदै प्रहरीले आरोपित लाई पक्राउ गरेको हो।
जिल्ला प्रहरी कार्यालय धनुषाका प्रवक्ता प्रहरी नायब उपरीक्षक प्रदीपबहादुर क्षेत्री का अनुसार कार्यपालिका सदस्य छनोट गर्नका लागि मतदान गर्न आएको बेला नेकपा (माओवादी केन्द्र) बाट वडा सदस्यमा निर्वाचित बिराजीलाई पक्राउ गरिएको हो ।
उनले पक्राउ परेका बिराजीमाथि थप अनुसन्धान भइरहेको र आजै जिल्ला अदालतमा पेस गरिने पनि बताए ।
प्रकाशित मिति: १७ जेष्ठ २०७९, मंगलबार
प्रतिक्रिया