काठमाडौं : नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले स्थानीय तह निर्वाचनमा पहिलो दल बनेपछि नेपाली कांग्रेस दम्भि र अहंकारि भएको आरोप लगाए ।बुधबार कमलपोखरीस्थित पार्टीबाट निर्वाचित जनप्रतिनिधिलाई प्रशिक्षण दिने कार्यक्रममा उनले यस्तो बताएका हुन् ।
उनले एमालेजस्तै कांग्रेसलाई पनि ठेगान लगाउने अवस्था नआओस् भनी चेतावनी समेत दिए ।विगतमा वाम गठबन्धन र एकता गरेको एमालेलाई अहंकारकै कारण ठेगान लगाईएको र यतिबेला एमाले चैनमा नरहेको भन्दै भन्दै कांग्रेसलाई पनि ठेगान लगाउने अवस्था नआओस् भनेर सचेत गराए।
प्रचण्डले कांग्रेस पनि देशभर एमालेजस्तै दम्भि र अहंकारि हुँदै गएको भन्दै उनले बालुवाटारमा मंगलबार बसेको सत्ता गठबन्धनको बैठकमा पनि आफू र नारायणकाजी श्रेष्ठले कांग्रेसमा अहंकार नआओस् भनि कांग्रेस सभापतिसमेत रहेका प्रधानमन्त्री शेरबहादुर देउवालाई सचेत गराएको पनि दाबी गरे।
उनले संविधान, लोकतन्त्र र राष्ट्रिय रक्षाका लागि आफूहरुले गठबन्धन कायमै राखेर अघि बढ्न चाहेपनि यदी कांग्रेसबाट अहंकार र दम्भ आयो भने त्यसविरुद्ध प्रतिकार गर्न सकिने पनि चेतावनी दिए।निर्वाचनमा गठबन्धनमा भरपर्दा माओवादीलाई सोचेजस्तो नतिजा नआएको पनि उनको भनाइ थियो।
माओवादी कहिले कांग्रेस त कहिले एमालेसँग सहकार्य गर्नु बाध्यता र आवश्यकता भएको भन्दै अध्यक्ष दाहालले राष्ट्रिय आवश्यकता भनेर गठबन्धन बनाउँदा बुर्जुवाहरुले व्यक्तिगत स्वार्थमा उपयोग गरेको पनि आरोप लगाए ।यसअघि एमालेले पनि त्यस्तै गरेको र कांग्रेस त्यस्तै अहंकारी हुने हो कि भन्ने आफुलाई चिन्ता बढेको बताए ।
उनले चुनावपछि एमाले चैनमा बस्ने अवस्था नरहेको भन्दै माओवादी गुगलमा भेटिन्छ भन्ने हरुकै अगाडि माओवादी पूरा शक्तिका साथ अगाडि खडा रहेको पनि बताए ।
प्रकाशित मिति: १९ जेष्ठ २०७९, बिहिबार
प्रतिक्रिया