दरबार हत्याकाण्डको २१ वर्ष पूरा ,घटना अझै रहस्यकै गर्भमा

काठमाडौं । तत्कालीन राजा वीरेन्द्र शाहसँगै उनको वंश विनाश हुने गरी नारायणहिटी दरबार हत्याकाण्ड भएको आज २१ वर्ष पूरा भएको छ ।                               २०५८ जेठ १९ गते साँझ नारायणहिटी राजदरवारभित्र तत्कालीन राजा वीरेन्द्रको वंश विनास हुने गरी हत्याकाण्ड भएको थियो । पारिवारिक जमघटका बेला भएको उक्त हत्याकाण्डमा राजा वीरेन्द्र, रानी ऐश्वर्या, युवराज दिपेन्द्र, राजकुमार निराजन, राजकुमारी श्रुती सहित राजकुमार धिरेन्द्र, राजकुमारी जयन्ती, राजकुमारी शान्ती, राजकुमारी शारदा, कुमार खड्ग र अन्य राजपरिवारका सदस्यहरूको मृत्यु भएको थियो ।
तत्कालीन युवराज दिपेन्द्रले परिवारका सदस्यहरुलाई गोलीले उडाएको र पछि आफैलाई गोली हानेको भनेर छानविन प्रतिवेदन सार्वजनिक भए पनि त्यसलाई धेरै नेपालीले पत्याएका छैनन् ।                                          अझैसम्म पनि उक्त हत्याकाण्ड कसले, किन गर्यो भन्ने रहस्यमै छ ।

प्रकाशित मिति: १९ जेष्ठ २०७९, बिहिबार