काठमाडौं । नेपालमा इन्टरनेट सेवामा समस्या देखिएको छ। केही इन्टरनेट सेवा प्रदायकहरूमा इन्टरनेट पूर्ण रूपमा नचलेको वा निकै ढिलो चल्ने समस्या उत्पन्न भएको छ।
इन्टरनेट सेवा प्रदायक संघका अध्यक्ष सुधीर पराजुलीका अनुसार एयरटेल नेटवर्कमार्फत इन्टरनेट आयात गर्ने सेवा प्रदायकहरूमा यो समस्या देखिएको हो।
यद्यपि उक्त नेटवर्कमा समस्या के कारणले उत्पन्न भएको हो भन्ने अझै स्पष्ट भइसकेको छैन। नेपाल टेलिकमका प्रवक्ता हरि ढकालले इन्टरनेट सेवामा आएको समस्याबारे बुझ्ने प्रक्रियामा रहेको जानकारी दिए।
प्रकाशित मिति: २० माघ २०८१, आइतबार
प्रतिक्रिया