नेकपा एमालेको अनुशासन आयोगले नेता घनश्याम भुसाललाई कारवाहीको सिफारिस गरेको छ। पार्टी अनुशासन विपरीत गतिविधि गरेको, अध्यक्ष केपी शर्मा ओलीले लिएको नीतिको आलोचना गरेको र पार्टीलाई हतोत्साहित बनाउने काम गरेको भन्दै आयोगको सचिवालय बैठकले कारवाहीको सिफारिस गर्ने निर्णय गरेको हो। 
पार्टी अनुशासनविपरीत काम गर्नेलाई कारवाही नगरि नहुने भएकाले नेता घनश्याम भुसाल लाई केन्द्रमा कारवाहीको सिफारिस गरिएको आयोगका एक पदाधिकारीले बताए। एक टेलिभिजन अन्तर्वार्तामा स्थायी समिति सदस्य रहेका भुसालले पार्टी नेतृत्वले गलत नीति लिँदा स्थानीय तह निर्वाचनमा एमालेले पराजय व्यहोर्नुपरेको भन्दै आलोचना गरेका थिए।उक्त पार्टी अनुशासनविरपरीत बोलेकाले बैठक बसेर कारवाहीको सिफारिस गरिएको ती पदाधिकारी को भनाई रहेको छ ।
प्रकाशित मिति: २२ जेष्ठ २०७९, आइतबार
प्रतिक्रिया