काठमाण्डाै – काठमाण्डाै महानगरपालिकाका मेयर बालेन शाहल र बाग्मती प्रदेशका मुख्यमन्त्री राजेन्द्र पाण्डे बिच भेटघाट भएको छ । मुख्यमन्त्री पाण्डे निवास स्वयम्भूमा आज बिहान उनिहरु को भेटघाट भएको हो ।
आफु मेयरमा निर्वाचित भए पछि विभिन्न राजनीतिक दलका शीर्ष नेता एवम् विभिन्न सरकारका प्रमुखसँग भेटवार्ता गर्दै आएका साहले आज मुख्यमन्त्री पाण्डे संग भेटेका हुन् ।मुख्यमन्त्री पाण्डेका प्रमुख स्वकीय सचिव उमेश रुपाखेतीका अनुसार भेटमा काठमाण्डाै महानगरभित्रको फोहरमैलाको व्यवस्थापन, सुशासन, सेवा प्रवाह र सम्पदा संरक्षणको विषयमा छलफल भएको हो ।
यस्तै भेटमा आउँदा दिनमा बाग्मती प्रदेश सरकार र महानगरले परिणाममुखी सहकार्य गर्ने विषयमा समेत छलफल भएको बताईएको छ । 
प्रकाशित मिति: २२ जेष्ठ २०७९, आइतबार
प्रतिक्रिया