काठमाडौं – काठमाडौंको नागार्जुन नगरपालिका–७ गौतम गाउँमा गएराति भयावह आगलागी भएको छ। स्थानीय कृष्णहरि श्रेष्ठको भुइँतले कच्ची घरमा राति ९ बजेतिर सुरु भएको आगो तीव्र रूपमा फैलिएको छ।
आगो नियन्त्रण गर्न काठमाडौं महानगरपालिका, ललितपुर महानगरपालिका र सशस्त्र प्रहरीको दमकल परिचालन गरिएको छ। तर, बाटो साँघुरो भएका कारण ठूला दमकल घटनास्थलसम्म पुग्न सकेनन्। यसै कारण ललितपुर महानगरपालिकाका दुई साना दमकल र पानी ट्यांकरको सहायताले आगो निभाउने प्रयास गरिएको छ।
आगलागीबाट कुनै मानवीय क्षति नभएको तर घरमा रहेको अन्न तथा अन्य महत्वपूर्ण सामान जलेर नष्ट भएको छ। स्थानीय बासिन्दा, दमकल टोली र सुरक्षाकर्मीले आगो नियन्त्रणमा लिन प्रयास गरिरहेका छन्।
यस भीषण आगलागीको कारण भने हालसम्म खुल्न सकेको छैन।
प्रकाशित मिति: १ चैत्र २०८१, शनिबार
प्रतिक्रिया