जुवा खेलिरहेको अवस्थामा धनगढी उपमहानगरपालिकाबाट ८६,००० नगद र पाँच गड्डी ताससहित पाँच जना पक्राउ परेका छन् । 
धनगढी–१ वसन्तटोलस्थित ४० वर्षीया दिपु श्रीमालको घरमा जुवा खेलिरहेको अवस्थामा पाँच जनालाई नगद ८६ हजारसहित पक्राउ गरिएको हो । जिल्ला प्रहरी कार्यालय कैलालीका अनुसार
पक्राउ पर्नेमा डोटी जिल्ला दिपायल सिलगढी नगरपालिका–६ घर भई हाल धनगढी–३ बस्ने ६२ वर्षीय तेजबहादुर बोगटी, धनगढी–७ का २५ वर्षीया रामकृष्ण राना र धनगढी–७ कै ३९ वर्षीया शान्त राम चौधरी, धनगढी–१ का ४८ वर्षीय धनबहादुर खड्का र सोही ठाउँका ३० वर्षीय रमेश श्रीमाल रहेका छन् । पक्राउ परेका पाँचै जनामाथि आवश्यक अनुसन्धान भइरहेको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक वेदप्रकाश जोशीले बताएका छन् ।
प्रकाशित मिति: २७ जेष्ठ २०७९, शुक्रबार
प्रतिक्रिया