काठमाण्डौ – काठमाण्डौको कोटेश्वरमा ट्रकको ठक्करबाट एक जनाको मृत्यु भएको छ ।मृत्यु हुनेमा पाँचथर मिक्लाजुङ-५ घर भइ हाल काठमाण्डौको काँडाघारीमा बस्ने ३४ वर्षिय सम्झना राई रहेकी छिन् ।
ना ५ ख २९ १९ नम्बरको ट्रकले गएराति पौने १० बजे बा ७१ प ३०५४ नम्बरको को मोटरसाइकल लाई ठक्कर दिएको थियो । मोटरसाइकलको पछाडि रहेकी सम्झना राईको उपचारका क्रममा शिक्षण अस्पताल महाराजगञ्जमा राति सवा १० बजे मृत्यु भएको हो ।
ट्रक चालकलाई प्रहरीले पक्राउ गरेको प्रहरीले जनाएको छ ।
प्रकाशित मिति: ३० जेष्ठ २०७९, सोमबार
प्रतिक्रिया