गण्डकी प्रदेश सरकारका ऊर्जा, जलस्रोत तथा खानेपानी मन्त्री हरिशरण आचार्यले आफ्नो मन्त्रालयले अघिल्लो वर्षकाे भन्दा पनि कम बजेट पाएको भन्दै आउँदाे आर्थिक वर्षकाे बजेटकाे विराेध गरेका छन् । संसदीय कार्यालयमा साेमवार पत्रकार सम्मेलन गर्दै उनले उक्त बिरोध ब्यक्त गरेका हुन् ।
जसपाका नेतासमेत रहेका मन्त्री आचार्यले चालु आर्थिक वर्षमा १२ दशमलव ६ प्रतिशत बजेट पाएको मन्त्रालयलाई आउँदाे बजेटमा ६ दशमलव ३ प्रतिशत मात्रै बजेट छुट्याइएकाे बताए ।
गण्डकी प्रदेशकाे हालको बजेट ३० अर्ब रुपैयाँ रहेको र अब आउने बजेट ३६ अर्ब रुपैयाँभन्दा धेरैकाे भए पनि आफ्नाे मन्त्रालयले कम पाएकाे गुनासाे गरे ।मन्त्री आचार्यले
जसपा सरकारबाट बाहिरिन सक्ने समेत चेतावनी दिए ।उनले बजेटमा मुख्यमन्त्री र अर्थमन्त्रीको हालिमुहाली रहेकाे पनि बताएका छन् । गण्डकी प्रदेश सरकारले बुधवार बजेट ल्याउँदै छ ।
प्रकाशित मिति: ३१ जेष्ठ २०७९, मंगलबार
प्रतिक्रिया