काठमाण्डाै – नेकपा एमालेका अध्यक्ष केपी ओलीले युवाहरूले स्वतन्त्रबाट चुनाव जित्नु समग्र सत्य नभएको बताए । टङ्कप्रसाद आचार्य स्मृति प्रतिष्ठानले आज काठमाण्डाैमा आयोजना गरेको कार्यक्रममा बोल्दै उनले यस्तो बताएका हुन् । युवाहरू स्वतन्त्र उम्मेदवार भएर विजयी हुनुलाई अपवादको रूपमा भएको बताउँदै उनले भने, ‘यो गतिशील दुनियाँ हो । स्वतन्त्र युवाहरूकाे जितलाई अपवादको रूपमा लिनुपर्छ । यसलाई आंशिक सत्यको रूपमा लिनुपर्छ ।’
नेपालमा मुख्य दुई वटा राजनीतिक पार्टी एमाले र नेपाली कांग्रेस भएको भन्दै अध्यक्ष ओलिले उनीहरुले ठिक काम नगरेमा अपवादका रूपमा नयाँ शक्ति जन्मिने पनि बताए ।
राजनीति र राजनीतिक सङ्गठनमा विचारको महत्त्व बढी हुने भन्दै गन्तव्य र उद्देश्यका लागि विचार आवश्यक रहेको पनि उनको भनाई थियो ।
साथसाथै युवाहरूमा राजनीतिप्रति घृणा नभएर आकर्षण बढेको पनि बताउँदै ओलिले युवाहरूसम्म राजनीतिक पार्टी नपुग्नुले पनि आफ्नो सङ्गठन बनाएर राजनीतिमा युवहरु लागिरहेको पनि बताए ।
प्रकाशित मिति: ९ असार २०७९, बिहिबार
प्रतिक्रिया